前幾天又同朋友到Mega Box 逛，為了不想同人爭崩頭食dinner，早就係6時許入座試試這間開張不久的日式餐廳......
不過兩位接待員一聽到手機響就著了魔似的，一個掛住講電話，另一個又要插嘴想講埋一份，見到我們站在他們面前足有半分鐘都未有理會...... 扣分！(同其他網的食評一樣要彈，不過不是下圖個哥哥仔！)
名古屋風牛筋煮 ($42) :
豉油汁牛油煮海蜆 ($35) :
炸雞軟骨 ($28) :
北海珍味三小拼 ($48) :
由於早到關係，只有靠窗那邊有食客，而我們也被安排坐在那邊。我們點選了幾道普通的菜，先是端來名古屋風牛筋煮 ， 小鍋內有牛筋、兩串球型蒟蒻、大根和一隻蛋。汁味較鹹，味精落重手了。牛筋份量頗多，但一般貨色！
另一鍋物煮蜆，試試蜆湯，都夠甜，還見有油 (應是牛油和幾滴豉油)，但味道試不出與油鹽水煮蜆有何分別。蜆都算新鮮。
朋友喜歡炸物，想試炸雞軟骨。食落算香口，但有些軟骨真係食到牙骹都軟！論炸物功力不及“和民”！
最後又點了新推出的北海三小拼，明顯想做比較高檔的食物。圖裡深藍色碟載的是鮟鱇魚肝伴大根海帶，我最喜愛其汁，與海帶很夾。中間粉紅色小碟裡的是山芋，算新鮮，不過沒醬汁，味道很寡。第三碟是海膽豆腐。海膽未夠新鮮，淡味，質素未夠。豆腐有豆味，但不算滑。全晚比較有睇頭的算是這道菜了。
論裝修這裡靠窗的位比較舒適，因有木露台給我們放置物品！我也看見部份侍應比較生手，端來上檯手震震，像很驚跌般。不過女侍應幾主動勤快，會立即前來幫忙。食物質素很普通，這個價錢屬偏貴！還有希望那些企在門口的接待員的服務態度能改善一下！
比分嘞 : 2 個哈哈笑 (滿分5 分)
居樂屋 白木屋
地址 : 九龍灣宏照道38號企業廣場5期MegaBox L2層34號店
電話 : 2817 5788
留言列表
